Мафини со тиквичка

Мафинките се супер за појадок и ужинка. Јас често и ги правам на Зои, а често и јас самата си поткаснувам. Ми се допаѓа што може да се замрзнат па секогаш имам спремно брза ужинка кога немам доволно време да направам нешто.

Состојки:

• 3 јајца
• 1/2 шолја брашно
• 1/2 мала лажичка прашок за пециво
• 70 гр кромид
• 1/2 шолја кашкавал
• 50 гр сланина (опционално)
• 250 гр рендана тиквичка (водата исцедена)

Начин на подготовка:

1. Јајцата се матат со маталка и се додава брашното и прашокот за пециво
2. Потоа се додаваат останатите состојки. Доколку сакате поздрава верзија, сланината може да ја изоставите. Она што е многу важно, откако ќе ја изрендате тиквичката, посолете ја и оставете ја неколку минути. Таа ќе пушти вода, добро исцедете ја користејќи ги рацете пред да ја додадете со останатите состојки.
3. Мешате добро да се соединат сите состојки и потоа ги претурате во калапи за мафини. Јас сакам да користам силиконски калапи бидејќи не се лепат мафинките и многу лесно се вадат.
4. Печете 25 минути на 200°C

Еве и кратко видео од начинот на подготовка објавено на мојот инстаграм профил.

 

View this post on Instagram

 

A post shared by Dragana Nikoloska (@dragana.nikoloska)

На здравје